Aproveitando a sorte de contar con Katie, a nosa auxiliar de conversa Irlandesa, nas vindeiras semanas mergullarémonos na cultura e folclore do seu país de procedencia a través da festa "St. Patrick".
Aprenderemos as súas tradicións, algunhas cancións e xogos típicos, coñeceremos todo sobre os Leprechauns e procuraremos trevos, potes de ouro e arcos da vella.
Vedes algún leprechaun preto? Premede na imaxe para acceder ao conto de hoxe.
Coa chegada do mes de outubro as clases de inglés comezan a tomar un cariz misterioso.
Esta semana, Katie explicounos que o famoso Halloween que todos e todas coñecemos provén do Samhain irlandés, unha tradición que comezou cos antigos Celtas e se espallou polo mundo enriquecéndose e transformándose.
Explicounos como celebran en Irlanda esta festa, os seus xogos, comidas típicas e disfraces, o Trick or Treat e o carvado de cabazas e nabos.
Katie contounos que en Irlanda hai algunhas pantasmas especiais como Banshee e Puka.
Katrina, Monkey e mesmo Magic Wand apareceron disfrazados esta semana.
Como Katie non tiña disfraz fixémoslle nós un de Banshee. Os nenos e nenas das clases azul e laranxa tamén decidiron disfrazarse.
Ademais, Katrina estanos a ler un conto encantado titulado "What's in the Witch's Kitchen" de Nick Sharratt a través do cal aprenderemos vocabulario sobre comida, partes da cociña e Halloween.
Por último divertímonos con esta terrorífica canción que enlaza a temática da comida e os monstros.
REMATA O CURSO E MS. KATRINA NON SE QUERÍA DESPEDIR SEN ACHEGAR AOS NENOS E NENAS Á XEOGRAFÍA E CULTURA BRITÁNICAS.
DURANTE AS PASADAS SEMANAS, NAS CLASES DE INGLÉS ESTIVERON A VIAXAR AXUDADOS POLA ESTRUTURA DO CONTO "THE QUEEN'S HAT".
A TRAVÉS DESTE, APRENDERON MULTITUDE DE ASPECTOS SOBRE A REALEZA BRITÁNICA: QUEN É A RAIÑA, OS SEU CANS, A GARDA REAL, A FAMILIA DA RAIÑA E OS PALACIOS NOS QUE VIVEN.
ADEMAIS, GRAZAS AO GOOGLE MAPS, GOOGLE EARTH, AO CROMA E AO VÍDEO, PUIDERON VIAXAR DENDE PASTORIZA ATA LONDRES, OBSERVANDO A DISTANCIA QUE HAI ENTRE AMBOS LUGARES, O TERRITORIO BRITÁNICO, TRANSITANDO AS RÚAS E VISITANDO OS LUGARES MÁIS DESTACADOS DE LONDRES:
EN TRAFALGAR SQUARE OBSERVARON A ESTATUA DO ALMIRANTE NELSON E ADMIRARON OS CATRO LEÓNS QUE A GARDAN. APRENDERON SOBRE A BATALLA DE TRAFALGAR E SOBRE A CONTROVERSIA QUE HOUBO NO PASADO POR MOR DAS POMBAS QUE ATEIGABAN ESTA PRAZA.
EN LONDON ZOO PUIDERON OBSERVAR IN SITU TODOS OS ANIMAIS E RECORDAR O VOCABULARIO TRABALLADO AO LONGO DO CURSO.
PUIDERON BAIXAR ÁS PROFUNDIDADES DO METRO DE LONDRES, OBSERVAR O SEU FUNCIONAMENTO E ASPECTOS IMPORTANTES A TER EN CONTA TALES COMO AS SINAIS VISUAIS E ACÚSTICAS, DIRECCIÓNS, TICKETS E OUTROS MEDIOS DE TRANSPORTE QUE PODEMOS PRECISAR NA CIDADE.
